قصيده الشاعر صالح بن بشر النهدي ( الصيني )

عدد المشاركات : 4

قصيدة للشاعر / صالح بن بشر النهدي (الصيني)

القصيده قالها بعد أن تغيب عن بيته سبع سنوات متتالية وطرق بيته ليلاً ليجده فارغاً إلا من بعض أثاثه في بلاده ،
وبعد دخوله إلى البيت وجد بعض متعلقات أطفاله الذين لم يرهم سنين طويلة ، وفي ليلة مظلمة ممطرة طالت عليه فشب حطبه وأشعل موقده لعمل القهوة وبات الليل ساهراً وقال هذه القصيدة المؤثرة .... بالإضافة لبعض الأمور الخاصه التي حدثت له...وإليكم القصيدة ...

يارافـع السبـع الشدايـد بـلا عـمـد=ووطيت سبـع (ن) بالجبـال الموثقـه
ولولاك ما راعـد فـي المنشـي رعـد=ولا بـرق يبـرق فـي رعـاده معلقـه
طلبتك بحق ياسيـن والطـور والصمـد=وبايات فـي سـورة تبـارك مصدقـة
سالك قضى حاجتـي ولا تحوجنـا لحـد=واكفنـا شــر الــدروب المفـرقـه
وتصلـح لنـا الازواج والمـال والولـد=توفـق عبيـدك فـي طريـق موفقـه
يقول الذي مـا نـام طرفـه ولا رقـد=وعينـه مـن الليـل الطويـل مشفقـه
همومه مثيل الموج في البحـر والزبـد=تنذقـه بالشاطـي وساعـات تغـرقـه
وساعه يفر منهـا وساعـه لهـا قعـد=وساعـات ينشقهـا وساعـات تنشقـه
يفكر في اطبـاع المخاليـق فـي البلـد=مخاليق مستورة ونـاس (ن) مصفقـه
وحد تعبر ايامـه فـي الضيـم والكـدد=وحد عامدين الظل وحد فـي المشرقـه
وفيه الرجال انواع في الطـول والمـدد=طبايـع لهـم فيهـا خصـال مفـرقـه
وحـد منهـم للظهـر متكـى ومستنـد=ابل له حمول الهجـن ذي هـي موثقـه
وحد منهم في الشـور والـراي معتمـد=حـل الطلـب تلقـى عصـاه مشرقـه
وحد يشرب الصافي ولا الصافـي ركـد=ولا له في القيمة ولا له فـي الموثقـة
وحد منهـم فضـة وحـد منهـم رشـد=وحـد منهـم مثـل السبيـك المرتقـة
خرج فصل يالهاجـس وذا بابـه انقلـد=فتـح لـي كواليـن البـواب المغلقـة
وانا احمد كريم الوجه مابي شـي قهـد=ولا العيـن مثنـاة الرجـال مخرنـقـة
ولي منسب اصلي زين عن أبـاً وجـد=وسيرتـي مـا بيـن القبايـل منسقـة
ولا طلبت حد لاغـي ولا مطلـب لحـد=ولا امدحت نفسـي بالكـذوب الملفقـة
ومن بعـد باسـرح كتابـي مـع ولـد=علـى ظهـر باجيـرو جديـدة مرنقـة
لها ليسن خصوصي ورخصة في البلـد=وتقريـر جمـرك والوثايـق موثـقـة
وسكان مثل السمـن تلعـب بـه بيـد=والسبيت ماشـي فيـه ربخـة ودقدقـه
وفيهـا توايـر مـن وكالتهـن جــدد=وماطورهـا مـا فيـه خـرزة ملفقـة
وفيهـا الربـع لا عزمهـا فجـأة بـرد=تحصله وقـت الضيـق ينبـغ وتلحقـه
ليا اعطيتـه الرابـع تنافـض وترتعـد=وتـرزم مثـل ام الـحـوار الموثـقـة
يدبر من حصـن نايـف علـى الكـدد=حصونـه تصلـح للزبرقـان مزبـقـة
وينشع بها حدرا على عكس من صعـد=ويعبر بهـا وسـط العطـوف المغرقـة
وعد السفولة ثـم مـع الاخمـاس عـد=وع القفل ذي فيـه الشـذاب المغدقـة
وع القارة العظمـى مقاصـد ومنقصـد=وشريوف ساس اهل العقـول المحذقـة
والظاهرة مجنـى العذيبـي مـن الزبـد=وتظهـر قعوضـة والغلـوب المرنقـة
ومقصدك شيخ اهـل الـدلالات والنقـد=وهم ينقـدون اهـل الوجيـه المدحقـة
وخصه سلامي خاص ايضاً ومـن نشـد=ومن في محلـه بـا تصيـده وتلحقـه
وقلـه وقلـه عادنـي عانـي الكـبـد=عاني الكبد مـع كـل ماضـي محرقـه
اتذكره لا شرقـت علـى رووس الكـدد=وناحت علـى شجـرة حمامـة مطوقـة
وونيت ونـات المفاطيـم فـي المهـد=على الشخب ذي من ضرع الامات تلحقه
حنيني حنيـن حـوار ميـلاف وافتـرد=يـدور وليفـه ذي يحـبـه ويعشـقـه
الا غاب في المرعـى تذكـره وافتقـد=وحنـات فـي جوفـه تلخـه وتصعقـه
سبابه من اهل العيـن حشالـة الحسـد=صحـاب المذمـة والوجيـه المغـذقـه
من المنصب المصيون ذي هو في البلـد=وحولـه يدقـون الدفـوف المشعـقـة
ولا له نفس بين اهل الاميات والرشـد=ولا يمشـي الا فـي الخطـوط المعلقـه
ترافقـه بالدينـار لـو كـانـه يـجـد=وتحرقه مثـل الكلـب عيشتـه خنبقـة
عسى لـه قديميـه لهـا ياخيـر حـد=صناعتـه برامـي شـفـاره مفتـقـه
تقـد الكبـد والقلـب والشريـان قـد=والامصـور والجنبيـن تغـدي منتقـه
وتنرد في البنـت الـذي منهـا ابتعـد=ولا اقول فـي عقـده ولا هـي مطلقـه
مهون بها في الهون والجعـث والكبـد=ودايـم يلبسهـا الثـيـاب المشعـقـه
وعشاقها شبـان ويـا كـم مـن ولـد=تهاويه فـي حمـل الهوايـة وتعشقـه
ويعمد بها في حصن فيـه اربـع سـدد=فيـه الرواشيـن الـزيـان المزبـقـة
ومن كسـوة النامـوس يكسيهـا مـدد=وبالحجـل ايضـاً والحبـوس المحلقـه
عزيزة تحب العـز والجـود ذي يجـد=وتهوى الشرف والجود من حيث تعشقه
وذا إلا ضوى الهاجس ونكد بـي نكـد=وصل بعد نص الليل طـارق ومطرقـه
وانا قلت لـه لا تبـري العيـن بالقهـد=وخلنـي تمـدد ع الوسيـد المخطرقـه
حلف لي بجـاه الانبيـا واهـل الرشـد=وقال الـذي قـد فـات بالشـام تلحقـه
قم ارشن على البراد واخلص في الوقـد=وحـرر فـوادك للبـيـوت المحنـقـة
وانا قلت له مرحيب مـا ساجـد سجـد=وعـد الكواكـب والنـجـوم المعلـقـة
وشبيت ع البابـور والجمـر ذي رمـد=وعمـرت دلــه شاذلـيـه مدقـقـه
وصبيـت لـه فنجـال ومديتـه بـيـد=يبرد على اصحـاب الكبـود المحرقـه
وهو صب لي فنجال مـن بنـه السـود=وقـال اشربـه كلـه وحـذرا تـذوقـه
وذا ما طـرى الليلـة وع الخاطـر ورد=وما جاد بـه هاجسـي لاجلـي وحققـه
واصلي واسلم عـد مـا راعـد رعـد=على شفيـع النـاس ذي زان منطقـه

نائب عدد المشاركات : 278

صح للسان الشاعر
وتسلم ايد الناقل

تحياتي

المدير العام عدد المشاركات : 262

صح للسان الشاعر

صالح بن بشر النهدي

قصيده جزله

واشكرك على طرح القصيده هنا في منتديات الوادي

تحياتي لك

موسس المنتدى عدد المشاركات : 227

تسلم يمنااااك ياصقر الوادي
طرح ممتاز

مراقب عدد المشاركات : 91

طرح رايع
تسلم يمينك

» قصيدة الشاعر صالح بن عبدالله بن بشر البهدي مرسله للشيخ جمعان بن عمر بن عجاج النهدي
» قصيدة الشاعر عبدالله صالح بن عجاج مهداه الى قبيلة نهد عامه
» قصيده للشاعر سبيت بن حسن العوش بن بدر النهدي
» قصيده للشاعر بدر مبارك العتور بن بدر النهدي
» قصيده صالح بن علي فليك المردعي