مانع بن جحشان وحسن بن مدوخ

مانع بن جحشان المشيعي

مـر اليالي للـرجل مثل الاعــدام
اتـشتت افكـاره وجسمـه تـهـده

وهـو يقـاوم مرهــا يـسيـر قـدام
كل ماتــقـدم فـي محلـه تـرده

يامن بصدرك هم واحزان والام
لا تشـتكـي للنــاس لله وحـده

وارفع يدينك وارتجي رب الانام
واسجد بتـالي الليل لله سجده

مهما يصير الحال وتجور الايـام
كفك علـى غـير الغني لا تمده

حسن بن مدوخ البريكي

يامرحبا مامرت اشهور واعوام
وما لمى البراق من كل حده

وعداد ماخطت بالاوراق لقلام
وعداد جود الغيث لاحن رعده

انست يامانع هت اخبار واعلام
هت لي خبار اكرونا المستجده

الله يحفظ من على دين لسلام
واحد احد كل المقادير عنده

ولكم تحياتي على الخاص والعام
تبلغ جميع الناس حمير وكنده