أحد الزملاء جاءه اتصال بحالة وفاة، ثم جاء لزميل اخر اتصال ترشيح للاشراف التربوي :
هذي هي الدنيا وهذا هو الكون @الله يكافي كل مسلم خطرها @
أحد(ن) بها ضيف(ن) وأحد تو مدفون @ واللي يتفكر ينذهل من عبرها @
ﻻ هنت أبو باسل ومن معك يبكون @ يا جعلها في روضة(ن) في قبرها @
ندعي لها وكل المخاليق يدعون @ ويواصل الدعوات من هو ذكرها @
والله يصبركم ويا كيف تنسون @وصلة رحم ما عاد يذكر خبرها @
الله يجمعكم بها خالق الكون @ في ساعة(ن) ربي مقدر قدرها @
وسبحان من يعطي عطاء غير ممنون @ ما تعجزه دنياه وأﻻ بشرها @
عزيت أبو باسل وعودت محزون @ وأﻻ رسالة واتس جاي(ن) خبرها @
والكل يكتب واﻷحبة يهنون @ أزمتك أبو محمد تيسر عسرها @
مبروك جعلك من نواميس يرقون @ ﻻبد في دنياك تلقى كدرها @
وأترك جميل الذكر للي يخلفون @ والطيبة يا حظ من هو قدرها @
الأربعاء فبراير 28, 2024 5:35 am من طرف الخفاجي
موضوع: ( هذي هي الدنيا) 
