بدع وجواب بيني وبين الشاعر علي بن فهيد النهدي

بسم الله الرحمن الرحيم
هذه المساجلة حدثت بيني وبين أخي الشاعر علي بن ناصر بن فهيد في العاصمة صنعاء قبل أكثر من سنة حبيت أنقلها لكم :

بدع علي بن فهيد:

يا مرحبا يا فهد ما شن المطر = وإعداد ما طاير على جناحه يطير
كيف البصر يا جيد في هذا الخبر = لما متى نمشي وراء هذا الخبير

فهد العوش :

يا مرحبا ترحيب وافي ما قصر = يبلغ جبال الكور لا وادي عسير
ياللي لكم عادات في وقت العسر = نشهد لكم بالعز في يوم النفير

علي بن فهيد :

هاجس معي بالفال يعرف لا شبر = يزخى على سومه ولا خلى شبير
والناس في ذا الوقت ما معهم بصر = ولا لقينا شخص يتفاهم بصير

فهد العوش:

لا قد عمر وعمير يشبه باعمر = كل ما حضر في قسم خلوه الأخير
لما متى واحنا على درب الخطر = والوضع لي فالدار قد شفته خطير

علي بن فهيد:

والليل ياخو شيخ قد طاب السمر = هت لي خبر من صاحب الخبرة سمير
شفني دحقت الأرض في بحرن وبر = ومن كاد لي حفرة زقلته وسط بير

فهد العوش :

لا تكثر الأحلام لا بان السحر = خايف على الدكتور في نومه يحير
ياللي دهلت السير في وسط الغدر = احذر على السيقان تسقط فالغدير

علي بن فهيد :

بانرخص الأرواح والدم الحمر = لجل الجليلة بانواصل فالمسير
ومثلي بشر كم ناس ماهموا السهر = في شان من حبه مسى طرفي سهير

فهد العوش :

لا تنخدع يا شيخ بأمات الحوّر = عبر القلم والقاف برسلك نذير
لو هي من الأشراف تطلع لك قمر = بعد العرس يومين في حضن العشير

علي بن فهيد :

بعض العرب ماباه لو طبعه غبر = ماشي علي ملزوم لو بدلت غير
ولعاد ترجّعنا لماضي قد عبر = لا ما تبا عيشه تمسك في عبير

فهد العوش:

عابركة الرحمن باحط المدر = وفي ثاني الأدوار باحطك مدير
لأنك رجل معروف من خير البشر = لا جاء لكم صدام ولا حتى البشير

علي بن فهيد :

مشكور باقدمه لبن صالح عمر = لي ينكر الباطل على سلطة عمير
وإحنا تورطنا مع أمة غجر = من ذا الزمن يالله على عبدك تجير

فهد العوش:

ذي قدرة الرحمن نؤمن بالقدر = بلوى على المخلوق من رب القدير
والعاقبة خيرات تبلغ من صبر = والمفتري للنار في يوم المصير

( فصل جديد )

فهد العوش :

يامرحبا ما بارقه لاهب = وأمست علينا تردف اسيوله
باللي حضر معنا وذي غايب = وسط الكواكب مطلبي جوله

علي بن فهيد :

يالله يا سامع دعاء الطالب = دعوتي يالله تكون مقبوله
عجل بنصرك وادحر الخارب = وفكنا من ناس مجهوله

فهد العوش:

ذا وضع جاب الهم والضارب = كلن علينا قد صبح دوله
لأني تركت الحبل عالغارب = مطلوق ماشي من حرس حوله

علي بن فهيد :

الكي قالوا طب للحالب = فيه الدواء لأكباد معلوله
لاشي يهمك للزمن غالب = باتنفرج لا تقول معقوله

فهد العوش:

والراس لي هو من زمن عايب = يومه فشل قد رقلت ارجوله
ثورة وراها الطفل والشايب = والمرتشي ما همني طوله

علي بن فهيد:

ثورة وهذا الرآي لي صايب = والعز يجي بسيوف مسلوله
لمان يعلنها وهو هارب = لأن الوطن يحمونه افحوله

فهد العوش:

ذا فصل رد الصوت ياصاحب = يوم المسايل غير محلوله
حد بايداوي الدمع لي ساكب = في شيخنا لي يتعب اخيوله

علي بن فهيد:

بعض العرب ذكره معي لايب = في خاطري وأعجز ولا قوله
ما يعتذر في ساعة الواجب = وأفعال منه دوب مفضوله

(فصل جديد )

علي بن فهيد:

كان قلبي سلي خالي ولا يهتم = لكن الوقت ذا زيّد في اهمومه
زادني هم وأدخلني مكان أظلم = وكم من الوقت مثلي ناس مظلومه

فهد العوش:

الزمن ما يسامح لا ولا يرحم = لا صبح صبح يمسي نفس مرحومه
كم خفايا بها الخالق كذا يعلم = وابن آدم قصر ما بلغت اعلومه

علي بن فهيد :

قد سقاني الصبر وذقت فيه السم = وأكلفوني على علقمه واسمومه
وشفت فيه العجب والصدق به معدم = والثقة في العرب يا صقر معدومه

فهد العوش :

صحبة أهل المرجال مثلكم مغنم = يا رفيق الوفاء لي سعفك اغنومه
من سلك درب طيب والله ما يندم = عالتقاء والنقاء يا ربي اتدومه

موسس المنتدى عدد المشاركات : 227

بيض الله وجهك يابوعلي انت وعلي بن فهيد قصيد ممتاز جدا
صح لسانكم ياشعارنا
وننتظر المزيد من الابداعات الخفيه
يابوعلي
تحياتي واحترامي الدايم

المدير العام عدد المشاركات : 262

فهد العوش

بدع وجواب من العيار الثقيل

بيض الله وجيهكم وصحت السنتكم

تحياتي وتقديري لك

شاعر عدد المشاركات : 24

كـــلااااام كـــلااااام أثـر على ناصـرشـاعـر مــاهــو بـسـيــط يــاوليــد صراحة معلومة جديدة أول مرة أعرف أنه شـاعــر.... المهم المحاوررة جــززززلـه في المبـنـاء وفي المعنى بيض الله وجيـهكـم يافـهـد ويـاعـلـي ..

بو صالح - أبو محسن - العميقي ) يعطيكم العافية وما عليكم زود ما قصرتوا . مروركم شرف ووسام أفتخر به .

شاعر عدد المشاركات : 36

صح السن الشعار العوش وبن فهيد روعه والله

» بدع وجواب بيني وبين الشاعر علي بن فهيد
» اول مشاركاتي بدع وجواب بيني وبين المنيعي
» بدع وجواب بيني وبين الاخ عبدالله بن عجاج
» بدع الشاعر جمعان مبروك العوش وجواب الشاعر علي بن فهيد
» مرثيه من الشاعر جمعان مبروك العوش بن بدر النهدي في وفاه الوالد ناصر بن فهيد