جابر بن جبهه
مجاراه شعريه بيني وبين الشاعر خالد بن قاسم
(جابر بن جبهه)
صغير السن بالبرقع تبرقع = وعــاده ماتبّلغ في سنينه
عشقته في ثلاث ايام واربع = وحــال الشر مابيني وبينه
بوادي دهـــر لاونّ المولع = مـن السيطان باتسمع ونينه
(بن قاسم)
توقع ياولد جاهل تـوقع = شف العشقه نهايتها المنينه
شفه كمن ولد قبلك تولع = رجع يفحس يســاره في يمينه
يودي منها يفسح ويــرجع = ولاكن يمنعه شـــــرعه ودينه
ولاكنها نهايتهــا بيوقع = كمــا المفرود باتسمع حنينه
كماالمجنون ذي ثوبه مرقع = حياته كــلـــها ماهي بزينه
(جابر بن جبهه)
دخلت البحر ياخالد وبجزع = وبـــاطلع جواهر لي ثمينه
وجات العاصفه والبرق يلمع = وفي غبه صدمنا بــالسفينه
ومن بعد المحب جابر مضيع = وتايه حالته حاله حــزينه
(بن قاسم)
غرورك قــال لك انك بتجزع = وبتعدي غبب صعبه لــعينه
دخول البحر له منزل ومطلع = ولـه خبره وله قوه مكينه
وكمن جيد منه قــــد تجرع = بكاس المر وادموعه حزينه
من الفرقه دموعه اربع اربع=وحال الموج ما بينك وبينه
(جابر بن جبهه)
ومهما التكلفه والله مــارجع = عليه العار من خلى ضنينه
درست العشق من صغري وببدع = وببنى قصر واسواسه مكينه
وقست الدايرة هي والـمربع = وطــلعت المقايس الحسينه
...........
الأربعاء فبراير 28, 2024 5:35 am من طرف الخفاجي
موضوع: مجاراه شعريه بن جبهه وبن قاسم 
