نهدي وذكر الفخر عهدي ولي ينعاد=أهوى الفخر والفخر من قلب يهواني ..جديد أبو عدنان..

مراقب عدد المشاركات : 91

نهدي وذكر الفخر عهدي ولي ينعاد=أهوى الفخر والفخر من قلب يهواني ..جديد أبو عدنان..

يا الله أنا أدعيك يارب النبا والصاد
=يا مكتفل بالملا يارب رحماني

ياخالقٍ كون مقياسه على لبعاد
=رافع سمواتها من غير عمداني

لطفك بعبدك ولك حكم القدر ينقاد
=وأنت الرجا لاطووني وسط لكفاني

يا هاجسي حان وقتك وسفه النقاد
=شق البحر عرض تلقا فيه مرجاني

شفني تحرى وكبدي جمرها وقاد
=عجل عليه ترى لي وقت عطشاني

أباك تمشي معي في مختلف لسياد
=وترتب اوزان قافك فوق ميزاني

وكريم يابارق الليله ضوى منقاد
=يلمع سنا بارقه من صوب نجراني

بيت شروره على حله ومزنه جاد
=ستين ليله وهو يرخي بلمزاني

ويقول أخو ناصر إن طرفه جفى المرقاد
=قدله ليالي يبيت الليل سهراني

أعشار وميات أمشيها على لاحاد
=لاكن لآلآف في الحاد تعصاني

أمسيت أزود ونقص وأختبر لعداد
=سالب وموجب ولول يغلب الثاني

من بعد ذا يا سنادي ياسما لمجاد
=ياكاسبين الشرف في كل ميداني

يانهد يا سنح جنبي ساعه الميعاد
=ياهل الكرم والوفا يا مزبن الجاني

ياهل الفعايل نهار الضيق يالجواد
=يوم إن ولد الردي فـ الضيق ماباني

وأنتو سباع الفلا وأنتو خزآ الحساد
= ياكم شاجع نهار الضيق فتاني

لآشبت الحرب وأوحينا لها رعاد
= وأظلم على جوها باروت رشاني

أنشهد إن لي سند ماروث من لجداد
=لآقامت الحرب شبو مثل بركاني

بفعال سنحي نهار الضيق راسي زاد
= يا حظ منهو غدوله سنح وكناني

عز الله إن الجدود مخلفين أحفاد
=والكون يشهد لهم قاصيه والداني

يحرم على خصمهم ماقد رجع فياد
=تشهد على أفعالهم دورات لزماني

لعتج باروتها من حقد في لكباد
= أنشهد إن لابتي في الضيق شجعاني

ياكم خصمٍ بلغ جهده ولاشي فاد
=قد قالها الشاعر المنعور لاهاني

تاريخ قومٍ على شرع النقا تعتاد
= تاريخ مشهود له حجه وبرهاني

تاريخ واضح وبيُن يخبر النشاد
=تاريخ كله وفا مافيه نقصاني

نهدي وذكر الفخر عهدي ولي ينعاد
=أهوى الفخر والفخر من قلب يهواني

ومن دون حد القبيله بالشن إجهاد
=وأسلابنا صرفها شامي وعماني

ماعندنا ألا معابرها وقدح إزناد
=لابانت وقوعها بادآت رمياني

قواد وجيوش للعدوان بالمرصاد
= وأغمار وقت اللقا يحمون لركاني

عز الله إن لي قبيله في اللزوم إسناد
=لابه لها صيتها من زام جداني

هذي حقيقه وذا ماثوق من لوكاد
=عندي براهين في ماينطق لساني

وأختامها عد ما رعده و برقه قاد
=وأفتك مزن الحيا من روس قنفاني

وصلو على خير خلق الله يالشهاد
=على النبي المرسل نسل عدناني

مراقب عدد المشاركات : 91

صح الله لسنك يالعوش
ابيات جزله تدل على جزاله الشاعر
وشكري للناقل على هذا الطرح الرايع