اسعد الله صباحكم أعضاء وزوار منـتديات الــوادي الشامخ وأهدي لذائقتكم هذه الأبيات،،،
ليل القصيد
يا ونيسي يا رفيــق الدرب يا أصدق خــوي
يا شعوري لا بغيت أحكي واعـبر من خلاله
منك يا بحر المشـاعر كل ما جيت أرتــوي
فيك يا للي محتويتي كل أحاسيس بخــياله
لا بغيت أسج واسرح تسمع لصمتي دوي
وتنفجر كل الحروف بداخلي.. إعلان حاله
ابتدأ لــيل القصيد اللي بقــلـبي محتـوي
و ثار بركان المشاعر يوم وجداني سر آله
يا قصيدي أنثر إبـداعك عساها تستوي
يمكن القــلب يتسلى من عناه وضيق بـآله
يا قصيدي شوف وقتي صار يكويني كوي
ولع بقلبي حريق و ما قوى الصبر إحتماله
صارت هموم الليالي تلوي ذراعي لوي
من سببها ياقصيدي شوف حالي وش جرا له
صرت أحس بصوت فيني داخل ألراس يعوي
يزهم حروف القوافي ليتها تســــــمع سؤاله
ودي اسولف واعبر واتهيض وارتوي
وعادة القلب يتريح لا لقا انسان وحكا له
ويا قصيدي ما بقا في دنيـــــتي غيرك خوي
يفهم شعوري وأترجم كل هــــرجي من خلاله
وســــلامتكم،،،
بقلمـــي:-
أبو علي
الأربعاء فبراير 28, 2024 5:35 am من طرف الخفاجي
موضوع: ليل القصيد 
