بن جحشان المشيعي وبن نفير الصيعري

مانع بن جحشان المشيعي

يـاسـلامــي لـكــم يـاهــل الكـرم والمـروه
كـل واحـد يصل قـسـمـه لحضرت جنابه

جيـتكــم لـجـل صـحبتكم ولجـل الـمخوه
لـــداعنـــي مـحـمـــد بـاللـبــي طـــلابـه

هاجسي ماطـرب يابـدع ومخبوص جوه
قـد كلفته عـلــى القيفان ذي جـاد جابه

سـايـر الـوقـــت يسقيني بـقـاره وحـلـوه
وان بـدا ريـح لـي مـن بـاب صكرت بابه

علي بن نفير الصيعري

مــرحـبا عــد مــالــراعـــد تحروا بـنوه
عـد ماهـل وبـلـه مــن قنـيـف السحابه

عـد صـرف الغـوالي يـــوم تحرير فوه
وكثـر مـايـفـرح الشايـب بغايب وجـابه

فـالـك الـخير امـا الشـر يكـفيك سـوه
يـا اســد فـــي عـريـنـه والنماره تهابه

وهاجسك لابدع عالقاف نسري بضوه
انـت يـاممن الـجــاني بيـوم الحـرابه