المشيعي وبن عجاج والقفيل

مانع المشيعي

على خور ااااالمكلا يا حسن ودي بتعميره
وتخزينه من اااالشامي عليه باترد الكيف

ولا طاب السمر بسري على لاقدام باسيره
ولف الخور في جوله وريح بعدها عالسيف

ونسم خاطري واااالهم مني ينطفي كيره
يعين الله من شرك وغدرك يالزمان العيف

وباحول على فوه وبقصد شخص ما غيره
زياره واااجبه يابوحمد يامكرمين الضيف

وبجلس عندكم ساعه وبتوجه على الديره
لعرماء منبع اجدادي تساوي انقره وجنيف


كمال بن عجاج

رحب بابيات من شاعر جميل القول والسيره
اذا ماقد نزل بندر عمر يحصل لي التشريف

تشد افكار كل قاري عذوبه سحر تعبيره
اذا عرما بنظراته تساوي انقره وجنيف

وانا بندر عمر عندي يساوي مصر واقصوره
معزه وسط قلبي صدق ماهي كذب او تحريف

ومن حل اليمن يصبر على شره وعاخيره
وربك بايفرجها على اهل المدن والريف

صالح القفيل


عزم قولوا لبو محسن وحط عالختم تاشيره
اذا مامرت الذكرئ علئ غفوه منامك طيف

وغازل ماضي الاحلام وغصون الهوئ ضيره
وجدد ماضئ الذكرئ اذا احتاج الزمن توقيف

ويمم نحو عرماء لاعياك الشوق تاثيره
الا هبت نسايمها تحس البرد وقت الصيف

وعانقها عناق الدلو للزانه علئ بيره
وعشها قصهً حلوه في الاخراج والتاليف

تحن للوادي المسنت اذا غابت عصافيره
انا ادري بان للعشق في قلوب العرب تصريف